بەرواری ١٤-١-٢٠٢٠ لە شاری ھەولێر و لە پەرلەمانی کوردستان بەڕێوەبەری ڕێکخراوەکەمان سەنتەری پەرەپێدانی دیموکراسی و مافی مرۆڤ DHRD بەڕێز(کارزان فازیل) بەشداریکرد لەکۆبوونەوەی گرووپی کاری بەرەنگاربوونەوەی ئەشکەنجەدان و مامەڵەی نایاسایی لەگەڵ بەندکراوان ، کۆبوونەوەکە لە لایەن ڕێکخراوی ھارتلاند ئەلاینسی نێودەوڵەتیەوە ڕێکخرا و بە سەرپەرشتی لیژنەی مافی مرۆڤی پەرلەمان و تیایدا باسی تایبەتمەندی و بەرپرسیارییەتەکانی گروپی کارەکە کرا و باس لەڕۆڵ و ئەرکی پەرلەمانی کوردستان کرا لەچاودێری پاراستنی مافەکانی مرۆڤ و گفتوگۆی ھاوبەش دەربارەی تایبەتمەندییەکانی گرووپی کار.
شایانی باسە ھەریەک لە نوێنەرانی داواکاری گشتی و ڕێکخراوی یۆنامی و دەزگای ئاسایش و بەڕێوەبەرایەتی چاکسازییەکان و وەزارەتی تەندروستی بەشداری کۆبوونەوەکەیان کرد.
